МУЭИС-ийн эрдэмтэн багш нар, хамт олноороо 2024 оныхоо амжилт бүтээлийг дүгнэж 2024.12.30–ны өдөр шагнал гардуулах үйл ажиллагаа зохион байгууллаа.
Монгол Улсын Эрдмийн Их сургуулийн Соёл судлалын профессорын багийн гишүүн, доктор (Ph.D) дэд профессор Д. Хэрлэн, сэтгэл судлалын профессорын багийн гишүүн доктор (Ph.D) дэд проф Д. Баярмаа нар профессор цол, Эрх зүйн профессорын багийн гишүүн, доктор(Ph.D) Ц.Бүжинлхам, Боловсрол судлалын профессорын багийн гишүүн доктор (Ph.D) А.Булгаа, Хэл шинжлэлийн профессорын багийн гишүүн, доктор (Ph.D) Д.Цэцэгдэлгэр нар дэд профессор цолоор шагнууллаа.
Тус сургуулийн хууль зүйн эрдмийн сургуулийн дэд захирал, доктор Ц.Бүжинлхам, сургалтын албаны дарга Т.Цэвэлсүрэн, маркетингийн менежер Б.Оюун-Эрдэнэ нар боловсролын тэргүүний ажилтан, Санхүүгийн албаны дарга Д.Золмаа санхүү,банкны тэргүүний ажилтнаар тус тус шагнуулсан бол оюутны байрны ажилчид Н.Батсүх, С.Мягмарсүрэн, Г.Сарангэрэл нар ХНХЯ-ны Хөдөлмөрийн тэргүүний ажилтан, Ө.Түмэндэмбэрэл Жуух бичгээр шагнууллаа.
